Na Poochho ....

Na Poochho ..........................

Na poochho ham shab-e-ta'teel ab kaise guzaare haiN
Bohat takleef meiN yaaro meri qismat ke taare haiN

Hamaare roo-ba-roo rehta hai har dam computer ab
To kya keh zaKHm-haa-e- dil hameiN har dam pukaare haiN

Ba-faiz-e-naa- suboori ham shumaar-e-ehl- e-dil to the
Par ab ham ehl-e-fan haiN, itminaan-e-dil ke maare haiN

Na kaarobaar-e- laffaazi, na jaadu kaif-e-masti ka
Musaafat kya keh chaaroN simt dharti ke kinaare haiN

KahaaN sham'-e-mazaar- e-'aashiq- e-KHasta, kahaaN "VIRGO"
Naye Haalaat jo apne haiN, qudrat ke ishaare haiN