Kuch Kuch pagal hotay hain : Shayri

Pyaar Ke Deep Jalane wale Kuch Kuch Pagal Hote Hai
Apni Jaan Se Jane Wale Kuch Kuch Pagal Hote Hai.


Hijar K Gehri Zakham Mile To Mujh Ko Kuch Ehsaas Hua
Pagal Ko Samjhane Wale Kuch Kuch Pagal Hote Hai


Jaan Se Pyare Logon Se Bhi Kuch Kuch Perda Lazim Hai
Sari Baat Batane Wale Kuch Kuch Pagal Hote Hai.

Khwabon Mein Bi Anmol Milan K Sapne Dekhte Rehte Hai
Neendon Mein Muskane Wale Kuch Kuch Pagal Hote Hai.


Iss Johti Nagri Mein Hum Ne Yehi Hamesha Dekha Hai
Sachi Baat Batane Wale Kuch Kuch Pagal Hote Hai.

Pyar Jinhein Ho Jaye Un Ko Chain Bhala Keb Mill Pata Hai
Shab Ber Ashk Bahane Wale Kuch Kuch Pagal Hote Hai.


Apni Zaat Ke Ujrey Gulshan Se Wo Pyaar Kahan Kerte Hai
Auroon Ko Mehkane Wale Kuch Kuch Pagal Hote Hai.


Us Ke ISHQ Mein Bheeg Ke Ham Ko Yeh Ehsaas Hua
Dil Ki Baat Mein Aane Wale Kuch Kuch Pagal Hote Hai.

Jahan Bhi Rahain Aik Hi Baat Hai : Shayri

Jahan Bhi Rahain Aik Hi Baat Hai
Tum Pass Nahin Aik Hi Baat Hai
Kabhi Bin Tumhare Roya Karte They
Ab Tum Dhur Ho Aik Hi Baat Hai
Dil Main Pehle wali Baat Nahin
Sou Jathan Karo Aik Hi Baat Hai
Dil Ke Aaine Main Tumain Dekh Liya
Ab Jo Bhi Roop Dharo Aik Hi Baat Hai
Bharam Sare Ab Tum Ne Kho Diye
Baher Ho Ya Khizaan Aik Hi Baat Hai
Woh Waqat Tha Jab Hum Mila Karte They
Wade Sare Wafa Ke Kiya Karte They
Rishta Chah Ka Tha Jho Tum Ne Mita Diya
Ab Subha Ho Ya Shaam Aik Hi Baat Hai
Ab Na Hi Woh Dil Hai Na Hi Tum
Jaisi Bhi Ruth Ho Aik Hi Baat Hai
Bin Tumhare Jeena Bhi Kiya Jeena Hai
Zindagi Ho Ya Mout Ho Aik Hi Baat Hai

SMS Shayri : Pathar bhi roye

Pathar bhi roye
Log mohabbat ko khuda ka naam dete hai,
agar koi karta hai to ilzam dete hai....
kehte hai ki pathar dil roya nahi karte,
to pahado se jharne kyun baha karte hai....!!

Pyar V/S Dosti

Pyar V/S Dosti

1. Pyar ek Shikwa hai, Dosti ek Jazba hai.
2. Pyar me har bar Dhoka hai, Dosti me bar bar Moka hai.
3. Pyar Deewano ka kaam hai, Dosti Dilwalo ka Naam hai.

Lovely Ghazal

mujh say dour tum baan kar ajnabi kab tak rahoo gay
meray bina tum iss bhari dunya main kesay rahoo gay

bhool jana mujhay maazi ki tarha tumharay baas main nahi
ya nakam koshish akhir tum kab tak kartay rahoo gay

wabasta hay merai zaat say tumhara aik aik pal
apni zindagi ki dore ko tum kab taak jortay rahoo gay

hum ko to tum nay thhukra dya aik bay jan shay samjh ker
apnay dil kay sakoon ko tum har taraf dhondtay rahoo gay

ager aaj bhi tum wapis ajao tu main tumhara muntazir hoon
apni jhooti anaa ki laaj tum kab tak rakhay rahoo gay

Hindi Shayri : Bohat dino ki baat thi ...

Bohat dino ki baat thi ...
Bohat dino ki baat thi
shabab per bahar thi
fiza bhi khushgawar thi
na jaane kioun machal para
main apne ghar se chal para
kisi ne mujh ko rok ker
bari aada se tok ker
kaha ke laut ayyee
meri qasam na jayyee
meri qasam na jayyee
magar mujhe khabar na thi
mahaul per nazar na thi
na janey kioun machal para
main apney ghar se chal para
phir shehar se main aa gaya
khayal tha ke paa gaya
usey jo mujh se durr thi
magar meri zaroor thi
phir ik haseen shaam ko
main chal para salam ko
gali ka rang dekh ker
naye tarang dekh ker
mujhe bari khushi hui
main kuch isi khushi main tha
kisi ne jhank ker kaha
paraye ghar se jayyee
meri qasam na ayyee
wohi haseen shaam hai
bahar jis ka naam hai
chala hoon ghar ko chor ker
na janey jaoon ga kidhar
koi nahin jo rok ker
koi nahin jo tok ker
kahay ke laut ayyee
meri qasam na jayyee
meri qasam na jayyee

MAGAR TUMHAIN KIA

MAGAR TUMHAIN KIA........!

mein Aarhay tirchey khayal sochoon
key bey- irada kitab likhoon?
koi shanassa ghazal tarashoon
key ajnabi intesaab likhoon?
ganwadoon ik umr key zamaney
key aik pal ka hissab likhoon?
meri tabiyat par munhassir hey!
mein jis tarhan ka nissab likhoon!
ye mere apney mizaj par hey
azaab sochoon,sawab likhoon?
taweel tar hey safar,tumhain kia
mein jee raha hoon magar tumhain kia?
magar tumhain kaya, key tum to kab sey
mere iradey ganwa chukey ho!
jala key sarey haroof apney
meri duain bhuja chukey ho!
mein raat Aurrhoon key subha pehnoon?
tum apni rasmain utha chukey ho
suna hey sab kuch bhula chukey ho
to ab mere dil pey ye jabar kaissa?
ye dil to had sey guzar chuka hey
guzar chuka hey magar tumhain kaya?
khizan ka maussam thehar chuka hey
thehar chuka hey magar tumhain kia?
magar tumhain kaya key is khizan mein!
mein jis tarhan key bhi khuab likhoon?