Mujhay aksar woh kehti thi : Hindi Shayri

mujhay aksar woh kehti thi mohabbat kuch nahi hoti
hijr ka khauf be-matlab vasl k khawab be-maani
koi soorat nigahon main kahan din raat rehti hay
usay kyun khamoshi kahiye k jis main baat rehti hay
yeh aansoo be-zuban aansoo bhala kia bol saktay hain
kahan dil main kisi ki yaad se toofaan uthtay hain
kahan palkon k saaye main nami din raat rehti hay
kahan hoti hain woh aankhain jahan barsaat rehti hay
mujhay aksar woh kehti thi mohabbat kuch nahi hoti
magar jab aaj barson baad main ne us ko dekha hay
k us ki jheel aankhon main hijr ka khauf rehta hay
vasl k khawab rehte hain wahan barsaat rehti hay
yun lagta hay kayee raaton se woh soyee nahi shayad
yun lagta hay kisi ki yaad ab din raat rehti hay
or us ki narm palkon k haseen saye bhi geelay hain
or us ki khamoshi aisi k jis main baat rehti hay
mujhay ab woh nahi kehti mohabbat kuch nahi hoti
keh ab shayad mohabbat ki woh sab ramzain samajhti hay..

Mere Liay Kon Sochta hai?

Mere Liay Kon Sochta hai?

juda juda hain mere qabeely k loog sare
juda juda sab suratian hain
sabhi apni ana ke kunween ki teh main pare huye
khawahishon ke pinjer
hawas ke tukre
hawas reeze
meri udaasi ko kon behlaye

kis ko fersat hai mujh se puchy
keh meri ankhain gulaabi kion hain?
meri mushaqat ki shaakh e ueryaan pe
sazishon ke azab kion hain?
meri hatheli pe khawaab kion hain?
mere safar main saraab kion hain?

mere liay kon sochta hai?

sabhi k dil main kadurtain hain
her suu kanker talashna hain
sabhi ko apny badan ki shah rugg main
qatra qatra lahuu ka lawa undhelna hai
sabhi ko guzre dinoon ke derya ka dukh
warasit main jhelna hain

mere liay kon sochta hai?

Teri judai bhi hamein pyar karti hai, teri yaad bahot
bekrar karti hai, vo din jo tere sath guzare the,
talash unko nazar bar bar karti hai.


Raj.
Da way i am.

Miswaak : SMS Shayri

Kabhi Kisi Se Pyaar Mat Karna
Ho Jaaye To Inkaar Mat Karna
Nibha Sako To Chalna Uski Raah Par
Varna Kisi Ki Zindagi Barbaad Mat Karna

Adnan Ali

Ankhain : Hindi Shayri

har shahar say guzartay hua
ek hi tamanna ankhon mein
har raah par har modh par
ek tu hi na tha ankhon mein...

Mangaa khudaa se raat din tere sivaa kuchh bhi nahin... : Hindi Shayri

Sochaaa nahin acha buraa dekhaaa sunaa kuchh bhi nahin...
mangaa khudaa se raat din tere sivaa kuchh bhi nahin...

dekhaa tujhe sochaa tujhe chaahaa tujhe puujaa tujhe
merii Khataa meri wafaa teri Khataa kuchh bhi nahin...

jis par hamari aankh ne moti bichhaaye raat bhar
bhejaa wahi kaagaz usey hamne likhaa kuchh bhi nahin...

ik shaam ki dahleez par baithe rahe wo dair tak
aankhon se ki baatein bahut muunh se kahaa kuchh bhii nahin

do chaar din ki baat hai dil Khaak mein so jaayegaa
jab aag par kaaGaz rakhaa baaki bachaa kuchh bhi nahin...

ehsaas ki Khushbuu kahan, aavaaz ke jugnuu kahaan
Khaamosh yaadon ke sivaa, ghar mein rahaa kuchh bhi nahin...

Syed Bilal

Mein hoon tum ho aur khamoshi : Hindi Shayri

mein hoon tum ho aur khamoshi
jaanay kab door hogi ishq ki madhoshi

dekhtay hua zamana guzara hai
falak par door talak chandni ki sargoshi

mein hoon tum ho aur khamoshi...

toofanon kay caravan dil mein samaye
bhataktay rahay kadam nazarain tujhe par jamaaye

mil jao tum kisi raah kisi modh par
dharkan ab sahamnay lagi waqt ki khamoshi

mein hoon tum ho aur khamoshi....

kyon tumsay umeed lagi hai har pal
manzil ho tum toh phir kaisi faraamoshi

labon kay khultay hi raaz khul jaayengay
rah jaayega milan archana aur ishq ki madhoshi

mein hoon tum ho aur khamoshi...

Koi Diwana Kehta Hai : Hindi Shayri

Koi Diwana Kehta Hai, Koi Pagal Samjhta Hai
Magar Dharti Ki Bachani Ko Bas Badal Samjhta Hai
Tu Mujhse Door Kaisi Hai, Me Tujhse Door Kaisa Hu
Ye Mera Dil Samjhta Hai Ya Tera Dil Samjhta Hai

Mohbat Ek Ehssaso Ki Pawan Si Kahani Hai
Kabhi Kabira Diwana Tha, Kabhi Meera Diwani Hai
Yahan Sab Log Kehte Hai Meri Aankhon Me Aasun Hai
Jo Tu Samjhe To Moti Hai Jo Na Samjhe To Pani Hai.

by
ali