Jazaa...

Hume Pyaar Me Paya Toh Kya Paya
Kabhi Qud Roye Kabhi Tumko Rula Diya
Halat-e-Gham Me Beh Gaye Jo Aansoo
Woh Zindagi Me Phir Beh Naa Paaye
Sazaa Mujhe Mili Aur Unhe Jazaa Mili
Himmat Nahi Thi Ussme Sath Dene Ki
Ab Tak Naa Woh Sath Kisi Ke Chal Paya
Tukde Apne Wajood Ke Roz Dhoondti Hoon
Ussne Mere Dil Ko Aise Bikhraya
Zulm Pe Zulm Karta Raha Aur Mein Chup Rahi
Humne Pyaar Me Paya Toh Kya Paya......

Bari Dair Takk

Mujhey arzoo e seher rahi yunhi raat bhar bari dair tak
Na bikhar sake na simat sake yunhi raat bhar bari dair tak

Hai bohat azaab aur akaily hum, shab e gham bhi meri taweel tar
Rahi zindagi bhi saraab aur rahi aankh tar bari dair tak

Yahan har taraf hai ajeeb samaan, sabhi khud pasand, sabhi khud numa
Dil e be-qaraaar ko na mila koi chara gar bari dair tak

Mujhay zindagi hai aziz tar isi wastey mery hamsafar
Mujhay qatra qatra pila zehr, jo karey asar bari dair tak

Na sakoon e jaan na shreek e gham mila is jahan mein chaar su
Teri yaad thi meray saath jo rahi darr b darr bari dair tak

Yahan shehar e dil bhi udaas hai aur ujaar ujaar si rah guzar
Rahey teray baad dhwaan dhwaan meray baam o dar bari dair tak